Letra, domino dhe Gur 9 në një aplikacion

Murlan shqip

Luaj teke ose dyshe me ortak. Zgjidh kombinimet dhe provo ta mbarosh dorën para kundërshtarëve.

Si luhet Murlani dhe si të fillosh →

Domino shqip

Lidh gurët në të dyja anët e vargut. Ndiq skajet e tavolinës dhe gurët që të mbeten në dorë.

Si luhet Domino dhe si të fillosh →

Gur 9 (Mulliri)

Vendos nëntë gurë, bëj mulli me tre në vijë dhe hiq gurët e kundërshtarit. Luaj me një mik ose kundër kompjuterit.

Si luhet Gur 9 dhe si të fillosh →

Familja dhe miqtë

Krijo dhoma private me kod dhe luaj me njerëzit që njeh. Grupet Familja dhe Miqësia të ndihmojnë të gjeni njëri-tjetrin.

Nga shkarkimi te loja e parë

Shkarko EjaLuajm nga App Store për iPhone ose Google Play për Android.
Hyr në aplikacion dhe zgjidh Murlan, Domino ose Gur 9.
Krijo një dhomë private dhe dërgoju miqve kodin e dhomës me aplikacionin e mesazheve që përdorni.
Bashkohuni në të njëjtën dhomë dhe filloni lojën. Mund të luash edhe kundër lojtarëve kompjuterikë.

Lojërat hapen në aplikacionin e telefonit. Duhet lidhje interneti, edhe kur luan kundër kompjuterit.

Rregullat shkurt

Murlani

Murlani luhet me 54 letra (me dy xholla), zakonisht nga 4 lojtarë. Qëllimi është të mbarosh letrat i pari.

Dorën e parë e hap kush ka 3♠. Në duart pasuese, aplikacioni tregon kush e ka radhën.
Renditja: 3 më e ulëta, pastaj 4 … K, A, 2, xholli i zi dhe xholli i kuq më i larti.
Hidhen letër teke, dyshe, treshe, shkallë (5+ letra radhazi) ose bombë (katër letra të njëjta). Bomba mund kombinimet e tjera; kundër një bombe duhet një bombë më e lartë.
Pikët: i pari merr 3, i dyti 2, i treti 1. Fiton kush arrin i pari pikët e lojës.
Kur zbatohet shkëmbimi, i fundit i jep fituesit letrën më të lartë dhe merr një letër nga 3 deri në 10. Aplikacioni menaxhon rastet e përjashtimit.

Domino

Çdo lojtar vendos një gur që përputhet me njërin skaj të vargut. Kur nuk ke gur që luhet, tërheq nga rezerva. Fiton dorën kush mbaron gurët i pari.

Gur 9

Dy lojtarë vendosin me radhë nga nëntë gurë në 24 pikat e tabelës. Tre gurë në një vijë bëjnë mulli dhe heqin një gur të kundërshtarit. Fiton kush e lë kundërshtarin me dy gurë ose pa lëvizje.

Pyetje të shpeshta

A është EjaLuajm falas?

Po. Aplikacioni shkarkohet falas nga App Store dhe Google Play. Në faqen e secilit dyqan mund të shohësh pajisjet dhe versionet e sistemit që mbështeten.

Cilat lojëra mund të luaj?

Aktualisht EjaLuajm përfshin Murlan, Domino dhe Gur 9. Murlani ofron lojë teke dhe dyshe me ortak; Gur 9 luhet me dy veta.

A mund të luaj me familjen jashtë Shqipërisë?

Po. Me lidhje interneti dhe aplikacionin e instaluar, mund të bashkoheni në të njëjtën dhomë edhe kur jetoni në vende të ndryshme.

A duhet email për të filluar?

Mund të fillosh me një emër përdoruesi. Për veçori që kërkojnë llogari, si biseda, përdor një nga mënyrat e regjistrimit ose hyrjes që shfaq aplikacioni.

A luhet pa internet?

Jo. EjaLuajm kërkon lidhje interneti edhe për lojën kundër lojtarëve kompjuterikë.